លោកស្រី ទ្រី ដាណា សូមបួងសួង ដល់វត្ថុសាកសិទ្ធ ឲ្យប្រទេសកម្ពុជារបស់យើង រួចផុតពីគ្រោះធម្មជាតិទឹកជំនន់នេះ ឆាប់ៗផងចុះ

កាលពីថ្ងៃម្សិលមិញនេះ លោកស្រីទ្រី ដាណា និងស្វាមី​ បាននាំយកអំណោយផ្ទាល់របស់នាងខ្ញុំ និងស្វាម៉ី មកប្រគល់ជូន លោកពូ ម៉ៅ ធនិន អភិបាលខេត្តពោធិ៍សាត់ ដើម្បីចូលរួមចំណែកជួយជនរងគ្រោះដោយទឹកជំនន់។ អំណោយមាន អង្ករ 10តោន, មីម៉ាម៉ា 60កេះធំ ស្មើនឹង 360កេះតូច, ត្រីខ 50កេះធំ ស្មើនឹង 500យួរ,​ទឹកស៊ីអ៊ីវ 500យួរ សរុបជាថវិកា ជាងមួយម៉ឺនដុល្លារ។ នាងខ្ញុំក៏បានចូលរួមជាថវិកា ៥លានរៀលជួយជនរងគ្រោះតាមផ្ទះ និងលើកទឹកចិត្តសមត្ថកិច្ច ព្រមទាំងប្រជាជននៅទីតាំងរងគ្រោះម្នាក់ ៥ម៉ឺនរៀលបន្ថែម។ សង្ឃឹមថា គ្រោះធម្មជាតិនេះ នឹងរសាត់ទៅផុតឆាប់ៗ អាណិតបងប្អូនរងគ្រោះណាស់។

ជាមួយគ្នានោះផងដែរ ក្រៅពីការចែកអំណោយដល់បងប្អូនហើយនោះ​ លោកស្រី ទ្រី ដាណា ក៏បានបង្ហោះសារបន្ថែមទៀតថា “នាងខ្ញុំសូមបួងសួង ដល់វត្ថុសាកសិទ្ធឲ្យប្រទេសកម្ពុជារបស់យើងរួចផុតពីគ្រោះធម្មជាតិទឹកជំនន់នេះឆាប់ៗផងចុះ”។ ទន្ទឹមនឹងនេះ ក៏មានបងប្អូនជាច្រើន បានបង្ហាញអារម្មណ៍ស្ងោចសរសើរ និងអរគុណដល់លោកស្រី ទ្រី ដាណា និងស្វាមី ដែលបានចុះជួយដល់ជនរងគ្រោះ ដោយសារជំនន់ទឹកភ្លៀងនេះ៕