ក្រោយរងការរិះគន់ ស្រាប់តែ ឆន សុវណ្ណារាជ ពោលពាក្យ បែបនេះលើហ្វេសប៊ុកថា…

 ក្រោយរងការរិះគន់ ស្រាប់តែ ឆន សុវណ្ណារាជ ពោលពាក្យ បែបនេះលើហ្វេសប៊ុកថា…

ភ្នំពេញ ៖ កាលពីថ្ងៃទី១០​ ខែតុលា ឆ្នាំ២០២០ គឺជាថ្ងៃខួបកំណើតរបស់តារាចម្រៀងដ៏ល្បីឈ្មោះ លោកឆន សុវណ្ណារាជ ហើយក៏ជាថ្ងៃដែលអ្នកម្តាយរបស់លោកបានឆ្លងកាត់គ្រប់រសជាតិ បង្កើតរូបលោកឲ្យបានមើលឃើញពិភពលោកដ៏ធំមួយនេះ ។ ដោយឡែក​ ក្នុងថ្ងៃខួបកំណើតដ៏សប្បាយរីករាយ និងសែនមានក្តីសុខ ជួបជុំបងប្អូន សាច់ញាតិ ហ្វេនៗជាច្រើនបានអញ្ជើញចូលរួមនោះ លោកក៏ទទួលបានកាដូពិសេស បងប្អូនសាច់ញាតិ របស់លោក នូវចំនួនទឹកប្រាក់រហូតដល់ទៅ ១ ម៉ឺនដុល្លារ និង ចិញ្ចៀនពេជ្រ ១ វង់ផងដែរ។

បន្ទាប់ពីការជួបជុំ សើចសប្បាយជុំបងប្អូនហើយនោះ ក៏មានមតិមួយចំនួន បានចូលមកធ្វើការរិះគន់​ កប់ៗមាត់ គ្មានសំចៃទាល់តែសោះ ។ ភ្លាមនោះ តារាប្រុសរូបនេះក៏បានបង្ហោះសារថា “បងប្អូន ខ្ញុំគ្រាន់តែផុសសោះក៏ខុសដែរ ដៀលឡើងកប់ៗមាត់ និយាយទៅឱ្យតែអ្នកសិល្បះធ្វើអីក៏ខុសដែរ ឱ្យតម្លៃបន្តិចទៅបានអត់ មានក៏ខុស ក្រក៏ខុស មើលក្នុងផ្លូវល្អខ្លះទៅបានអត់ ពេលខ្លះមិនដូចការគិតរបស់យើងទេ សូមមេត្តាណា ខ្មែរដូចគ្នាទេ រៀនឱ្យតម្លៃអ្នកសិស្បះខ្លះទៅ សូមមេត្តាណា ពួកខ្ញុំក៏មានតម្លៃដែរ អ្នកសិល្បះហ្នឹងវាអន់ខ្លាំងណាស់ទៅហេ ក្នុងក្រសែភ្នែកអ្នក? សុំទោសបើខ្ញុំនិយាយខុស”។

លោក​ បានបន្ថែមទៀតថា “ខួរក្បាលខ្ញុំមិនមែនធុងសំរាម រីករាយជាមួយជីវិតអ្វីដែលខ្លួនមាន ខ្ញុំនិយាយត្រូវអត់មនុស្សជាទីស្រលាញ់ទាំងអស់គ្នា ចង់ប្រាប់ថាឆន សុវណ្ណារាជស្រលាញ់អ្នកទាំងអស់គ្នា nobody perfect អំពើល្អមិនសាបសូន្យ”។ ជាមួយគ្នានោះផងដែរ ក៏មានបងប្អូនជាច្រើន បានចូលមកខមិនបែបនេះ ថា “កុំខ្វល់ច្រើនពេកម៉ាយអាដលគេចង់និយាយអីជារឿងរបស់គេមាត់គេយើងហាមអត់បានទេសំខាន់រស់អោយមានក្ដីសុខព្រោះអ្នកសិល្បះក៏ជាមនុស្សដែរមានអ្វីសប្បាយចិត្តក៏ចង់បង្ហាញដូចអ្នកលេងហ្វេសប៊ុកផ្សេងទៀតដែរ”។”កុំទៅខ្វល់នឹងពាក្យសំដីមនុស្សឥតប្រយោជន៍រស់នៅជាមួយខ្លួនយើងទើបល្អ”។


ស៊ីថា ប៉ែក

https://www.khmer-media.com

Related post